BUONG ARAW na maganda ang sikat ng araw sa Isla Palahuwayan. Nanatili lang silang dalawa ni Maurice sa loob ng rest house. Si Maurice ay nagmukmok sa loob ng silid at si Julius naman ay tumambay lang sa sala.
Tumunganga lang si Julius sa sala habang panay ang sulyap nito sa orasang nakadikit sa pader. At ngayong hapon na ay naisipan niyang pagmasdan ang magandang tanawin sa paglubog ng araw sa may dalampasigan. Kanina pa kasi siya hindi mapakali habang nag-aabang kay Jovan. Dahil umaasa siyang may nakalap itong impormasyon tungkol kay Maurice.
Habang nasa dalampasigan si Julius ay panay ang sulyap niya sa balkonahe ng rest house. Tinitingnan niya kasi roon na baka dumungaw si Maurice at hinahanap siya nito. Konting galaw pa naman ng babaeng iyon ay hanap agad siya. Ngunit hindi niya inaa
