TULALA si Julius habang pinagmamasdan ang picture ni Maurice. Bale wallpaper iyon ni Maurice sa cellphone na nakita nila noong sinubukan nila itong hanapin sa gubat at nagbakasaling makita nila ito roon. Mahigit isang linggo na ang lumipas at inuusig siya ng kaniyang konsensya sa ginawa kay Maurice. Naliwanagan siya nang makausap niya ng masinsinan ang kaniyang ninong. Subalit kung kailan malinaw na ang lahat ay wala na si Maurice.
Malalim na pananaliksik ang ginawa ni Julius tungkol sa pamilya ng mga Monteverde. Maliban doon, makailang beses din niyang tinangka na makipag-ugnayan upang makausap si Maurice ngunit hirap na hirap siya. Mga sekretarya pa lang ang mga nakausap niya sa telepono pero halos butas na ng karayom ang pinagdaanan at pinagpasa-pasahan siya. Isang malaking senyales n
