ANG SUMUNOD na tagpo, nang muling imulat ni Zia ang kanyang mga mata, matapos na ikumpas muli ni Lucifer ang kanyang malayang kamay, sa palagay niya, ay sa labas naman ng bahay ampunan na pinagdalhan ni Lucian sa batang siya. Natatanaw niya pa mula roon ang entrance ng ampunan.
"Asiana..."
Pati siya ay tumuon ang mga mata sa babaeng tumawag. Isa iyong babae na nakasuot din ng damit pang-madre, puti nga lamang ang sa kanya, kumpara sa, sa palagay niya ay direktora ng kumbento, na kulay itim naman ang suot. Sa tingin niya ay nasa late 20's, or early 30's ang edad ng babae. Maaliwalas ang bukas ng mukha nito na animo ay laging may nakahandang mga ngiti sa labi.
Sa isang bahagi ng labas ng ampunan, ay naroon at nakaupo si Yana. Kabaligtaran ng madre, wala namang mababakas ni maliit na ngiti
