HINDI maipaliwanang ni Zia ang tuwa na kanyang nadarama, sa pagkakita sa nobyo na pahinamad na bumangon nang marinig ang tinig ng kapatid.
Katulad ni Lucero ay ang devil face nga nito ang gamit ng binata. Nakasuot ito ng pulang roba, at hindi niya alam kung mayroon pa itong ibang saplot sa ilalim niyon.
"Bakit nandito ka na naman?" Walang buhay na tanong nito sa kapatid. Tila kay tamlay ng tinig. Walang kagana-gana. "Hindi ba dapat ay naroon ka sa mundo ng mga mortal, at binabantayan ang nobya ko?"
Napapitlag pa si Zia nang malakas na humalakhak si Lucero. Halakahak, tulad ng sa ama nito. Kaya't tinagtag niya ang kamay nito na may akay pa rin sa kanya. Kaagad naman siyang nilingon ng binata. Sinamaan niya ito ng tingin, na ginantihan lamang nito ng isang kindat, saka bumaling muli sa ka
