MARIING ipinikit ni Zia ang kanyang mga mata at gumulong padapa sa kanyang kama. Ibinaon ang kanyang mukha sa malambot na unan at mariing nilamukos iyon ng pagkuyom ng kanyang mga palad.
Urgh!
Nang magising siya kanina ay naroon na siya, at nakahiga sa kanyang sariling kama.
At nang tanungin niya ang kanilang kasambahay na kumatok sa kanyang silid upang sabihing nakahanda na ang hapunan, at naroon na, at naghihintay sa kanya ang kanyang mga magulang, ay may pagtataka nitong sinabi na umuwi siya bandang alas kwatro ng hapon. Inihatid daw siya ng kanyang nobyo, ngunit umalis din ito agad. Deretso raw siyang umakyat sa kanyang silid at hindi na bumaba pa. Hanggang sa katukin nga raw siya nito. Tiningnan pa siya nito na tila nagugulumihanan sa kanyang tanong. Sa wari, ay nagtataka ito kung
