Magsisimula na ang laro at naglalakad na sina Zaydee papasok sa gym nang makalimutan niyang dalhin ‘yung gym bag niya kaya nagpaalam siya sa kasamahan niya.
"Guys, babalik muna ako sa locker room. Naiwan ko kasi ‘yung bag ko eh. Hahabol na lang ako," aniya kaya tumango na lang ang mga kasamahan nito bilang sagot.
Habang naglalakad siya ramdam niya na parang may sumusunod sa kaniya o nagmamasid. Kaya pasimply siyang tumitingin sa bawat side niya pero wala siyang makita.
"Weird," nabulalas na lang ni Zaydee nang mapagtantong wala naman.
"’Wag ka nga! Nakakahalata tuloy siya," ani ng sumusunod sa kaniya.
Bago pumasok si Zaydee sa locker room ay tumigil muna siya at pinakiramdaman ang paligid. Saktong paglingon niya sa kanan ay nakatago agad naman ang sumusunod sa babae.
