CAROLINE
“Mortal na kaanib ng pulang berdugo?” pag-uulit ko sa sinabi ni Peetah.
Marahan itong umalis sa kamay ko. Nauna na siya sa akin kaya napasunod na lang ako sa kaniya. Mukhang may gusto siyang ipakita sa akin kaya ganito ang kaniyang kilos. Binaybay namin ang daan hanggang sa napansin kong napapalapit na kami sa bahay na tinutuluyan ko. Isang napakalaking puno na may mga nakalambitin na halaman pababa ang nagsisilbing senyales na narito na kami.
Hinawi ko ang mga halaman. Nagtagis ang ngipin ko sa nakita.
Natupok na bahay na gawa sa kahoy ang nabungaran ko. Ito ang bahay ko. Ito ang mumunting tirahan ko. Halatang sinadya ang pagsunog dahil siniguro nilang walang natira.
“Pinasok nila ang bahay, Senyorita. Hanggang sa nakita na lang namin na sinusunog na nila ito.”
“Mortal ba
