‘Di makapaniwala si Ruth sa dami ng damit na nabili nila ni Steffan. Napahalukipkip s’ya habang tinitignan ang mga damit na nakalapag sa kan’yang kama. Inisa-isa n’ya kasing tinanggal mula sa pagkakabalot ang mga damit.
Mabuti na lang talaga at ang lahat na damit na nakuha n’ya ay mga gusto n’ya. Napansin n’ya rin na lahat ng mga damit na palihim n’yang tinitignan kanina ay s’ya rin ang binili ni Steffan.
Ang iba rin sa mga damit na ito ay ang mga damit na lagpas limang daan. Kahit na mura pa ‘yun sa tingin ni Steffan, para sa kan’ya napakalaki na ng halaga na ‘yun. Kung sa divisoria s’ya bibili ay makakarami na s’ya sa halagang limang daan. Pero dahil sa Mall s’ya dinala ni Steffan ay talagang mamahalin ang lahat ng damit na nabili nila.
Iba iba rin kasi ang brands ng mga d
