Pagkatapos maghapunan ay agad na bumalik sa kan’yang k’warto si Ruth para muling tumawag sa kan’yang pamilya. Dahil nung tinanong n’ya si Ray kung may iba pa ba itong ipagagawa, sinabi nitong wala na. Kaya agad s’yang nagtungo sa kwarto.
Naiwan lang sa may sala si Ray habang nanunuod ng palabas. Si Steffan naman ay maagang nagkulong sa kan’yang silid dahil nakatanggap ito ng masamang balita. Ang nanay raw nito ay dinala sa hospital dahil bigla umanong nagka-seizure sabi ng isa sa kan’yang mga kapatid. Gustuhin n’ya mang umuwi ay ‘di n’ya pa muna magagawa dahil ‘di pa natututo si Ruth.
Mag-isa n’ya na lang na hinarap ang balita sa loob ng madilim n’yang kwarto habang nakaupo sa paanan ng kan’yang kama at nakatitig sa kawalan. ‘Di na namalayan ni Steffan ang unti-unting pagdaloy ng
