NAKALUHOD na lumapit sa kanya si Damien at umiiyak na ito. "Ang laki-laki ng kasalanan ko. Dahil sa akin muntikan ka ng mamatay pati si Ion at ang pinakamasakit na pinagdaanan mo, ay hindi nakaligtas ang dalawa nating anak. Sorry Feliza, sorry," umiiyak na sabi nito. Niyakap ni Damien ang paa niya, kaya hinawakan na niya ito sa balikat.
"Damien, ang sugat mo baka magdugo," aniya.
"Wala akong pakealam! Kulang pa ito, sa lahat ng pagkakamali kong nagawa sayo at ang pagkawala ng mga anak natin!"
"A-ano bang sinasabi mo? Anong nawalang anak? Buhay si Lion at malusog siya, kaya wala tayong anak na nawala!" tugon niya. Napatitig sa kanya si Damien, lumuluha pa rin ito at hindi maiwasang makadama siya ng awa sa asawa.
"P-pero, hindi ba triplets ang anak natin. Sabi ni Liam, isa siya sa nagi
