Seremonyas (Pangalawang Bahagi)
Sumapit na ang sandaling hinihintay ng lahat: ang araw ng ika-21 na kaarawan ng Hari ng Dagat ng Ayisa. Maayos na maayos na sa loob at labas ng Simboryo ng Ayisa. Angkop lamang sa okasyong tulad nito, ang penultimang ika-21 na kaarawan ng pinuno ng kahariang-tubig ng Ayisa. Angkop ba talaga? Totoo naman na ang kulay na morado o lila ay ang kinagisnan na na kulay ng kadakilaan, lalo na sa daigdig ng tao; subalit ang kulay na morado o lila ay ang kinagawian ding kulay ng pagluluksa, ng matinding lungkot, ng pangungulila. Sino ang pumili ng pangunahing kulay para sa okasyon? At ang mga bungkos ng halamang-dagat na nakalinyang parang mga kawal mula sa gilid ng terasa hanggang sa paisahe na papasok sa lagusan ng gusali, sino rin ang pumili? Sino ang magaling na
