CHAPTER 24
SHINA
Malakas ang bagsak ng ulan tila galit na galit ito, hindi ko alam paano ako uuwi ngayon kahit kasi may payong ako mukhang masisira lang ng ulan at hangin. Maaga na rin kaming pinauwi dahil nga sa biglaang announcement ng kanseladong klase. Pero bago pa ako makalabas ay bigla nang bumuhos ang ulan nang ganito katindi.
Pumunta na lamang ako sa 8th floor, naroon kasi ang extension papunta sa building nila kuya. Baka sakaling naroon pa siya. Sa 8th floor nadaanan ko ang mahaba at malaking salamin kung saan madalas nagpa-praktis ang mga dancer, nangiti ako nang makita ko ang kuwintas na bigay ni Raven, shemay! Kinikilig na naman ako!
“Nakauwi na sila—“ nakasarado na ang pintuan ng klase ni kuya.
Hinanap ko siya hanggang sa cafeteria, pero mukhang nakauwi ng
