"Kausap ni Papa," sagot ko sa kabilang linya. Tinawagan ko kasi si Sheena at ipinaalam ang naging resulta ng ginawa niya. "Naroon sila sa living room."
"O, e, di, tuwang-tuwa ang g*go?" Ramdam ko ang inis sa boses niya. "Dahil sa wakas nakaharap na niya ang mga magulang mo. Sana i-reject siya nina tito at tita."
Tumingala ako at pinagmasdan ang kalangitan. I doubt kung gawin nga iyon ng mga magulang ko. Kilala ko sila, walang masamang tinapay sa kanila. Lahat ng mga naging boyfriend ko ay ipinakilala ko sa kanila at ni minsan ay hindi nila napintasan.
"Don't tell me masinsinan ang pag-uusap nila ni Lucifer?" tanong ni Sheena nang ilang minuto na ay hindi pa rin ako nagsasalita.
"Parang gano'n na nga. Pinaalis nga ako ni Papa matapos kaming maghapunan. Silang tatlo lang ni Mama ang nar
