Kinabukasan ay tumulak pauwi ng Maynila si Drew. Inalok niya akong sumabay na sa kaniya pauwi, pero tumanggi ako. Mas mabuting manatili muna ako rito para kahit papaano ay makapagpahinga ang utak ko.
Matapos niyang magpaalam sa mga magulang ko ay inihatid ko siya palabas ng bahay. Tila ayaw niyang umalis nang hindi ako kasama. Panay ang hugot niya nang malalim na buntong-hininga habang papalapit kami sa sasakyan niya.
"Kailan mo balak umuwi ng Maynila?" Tumigil siya sa tapat ng kotse at humarap sa akin. "Susunduin kita."
"Hindi ko pa alam," matipid kong tugon. Ayokong ipaalam sa kaniya kung kailan ko balak umuwi. Mas mabuting hindi muna kami magkita.
Muli siyang bumuntong-hininga saka pinasadahan ng kamay ang kaniyang buhok. "I think it's better if you stay in Manila."
"No. Narito a
