"Bes," saad ni Sheena sa kabilang linya. Damang-dama ko ang inis sa boses niya. "Nagpunta kahapon sa shop si Lucifer at hinahanap ka."
Humikab ako. Alas sais pa lang ng umaga ay tumatawag na siya. Ni hindi pa nga ako bumangon sa kama dahil inaantok pa ako. Hindi kasi ako pinatulog ni Faye hanggang hindi ko kinuwento sa kaniya ang lahat-lahat tungkol kay Andrew.
"And..?" tugon ko habang nakapikit ang aking mga mata. Naka-loudspeaker ang cellphone ko kaya alam kong naririnig ni Faye ang pag-uusap namin ni Sheena. Gising na ang kapatid ko at abala na naman siya sa pagkalikot sa sariling cellphone habang nakahiga pa.
"He said may usapan daw kayo na mag-a-out of town. In fact nagpunta siya kahapon para sunduin ka."
Nawala ang antok ko sa narinig. Bumangon ako at isinandal ang aking likod s
