Alas siyete ng umaga nang makarating ako sa bahay. Ginawa ko na lang dahilan ang birthday ni Mama para hindi sila maghinala. Ngayon lang kasi ako umuwi sa amin nang napakaaga.
Matapos mag-almusal ay agad akong hinila ni Faye papunta sa kwarto at nag-usisa kung bakit umuwi ako nang ganoong oras. Hindi ko naman magawang maglihim sa kaniya kaya sinabi ko ang lahat nang nalaman ko tungkol kina Drew at Jonah, pero imbes na unawain at kampihan niya ako, ay nainis pa siya sa akin.
"Kung ako sa 'yo, Ate Rosel, maniniwala ako kay Kuya Drew. Ang laki kaya ng effort niya para lang mapasagot ka kahit mahigit isang buwan pa lang kayong nagkakilala. Imagine, ha, sino ang lalaking magreregalo sa babae ng kung anu-anong mamahaling bagay kung hindi niya naman mahal."
Ipinagkibit balikat ko lang iyon. M
