Aaminin ko, bongga talaga ang kasal nina Mila at Robert. Malaking halaga ang ginastos nila sa okasyong ito. Hindi sila nagrenta ng venue dahil malawak naman ang lupang kinatitirikan ng bahay nila at doon mismo iyon gaganapin.
Tatlong malalaking tent ang naroon sa labas. Fushia pink ang motif ng kasal at sa harap ng presendential table ay naroon ang malaking tarpaulin na may picture nina Mila at Robert. Yakap ni Robert si Mila mula sa likod at kuhang-kuha ng kung sino mang photographer ang saya sa mukha nilang dalawa. Sa itaas ng picture nilang dalawa ay may caption na: Welcome to Santos-Diaz Nuptial.
"Baby," bulong ni Drew kaya binawi ko ang aking paningin sa malaking tarpaulin na iyon. May inis at galit pa rin akong nararamdaman sa aking dibdib, pero ang kaibahan nga lang ay mas nakaka
