Lihim akong napapailing habang nakamasid sa mga taong naroon sa living room. Dumating na sina Mama at Papa at maging sila ay napapansin ko na hindi gusto ang mga paksa ng usapan. Puro kasi pagmamayabang ang naririnig ko sa labi ng mag-amang Mila at Tata Vering. Tila ipinangangalandakan nila sa akin, sa amin nina Mama at Papa na isa akong talunan dahil iniwan ako ni Robert para pakasalan si Mila.
Maging ang listahan ng mga principal sponsors ay paulit-ulit nilang binabanggit na kesyo malapit sila sa mga iyon at matutulungan si Robert sakaling magpalipat ng trabaho. Mga makapangyarihang tao kasi sa bayan namin ang napili nilang mga ninong at ninang. May isang pulitiko, abogado at doktor ang kabilang sa listahang iyon.
Mag-a-alas siyete ng gabi nang dumating ang mayor ng lugar namin. Kaaga
