Kabanata 128
WALANG pagsisidlan ng tuwa ang nararamdaman ni Homer nang kompleto silang lahat magpipinsan. At higit pa siyang natuwa nang makakasama nila sina Althea sa kanilang bakasyon na hindi naman niya inakala na magkakaroon sila ng ganoon. Dahil pakiramdam ni Homer ay parati siyang outdated sa mga desisyon ng pamilya ay talagang kinausap niya si Peter. Sa lahat ay si Peter lang talaga ang bukod tanging nakakausap niya ng matino na hindi man lang nagsisinungaling sa kanya. Matagal na ring hindi niya ito nakakausap dahil sobrang busy sa trabaho nito.
“Matagal na itong plano Kuya, e. Pinag-isipan na ito ngunit iyong date lang talaga ang problema. Kaya nang malaman namin na nagkasakit si Lola Veron ay umuwi na kami at doon namin napag-usapan na ituloy ang reunion natin dahil ang tagal n
