CHAPTER 76
Nandito kami ngayon ni Sam- Sam sa isang park kung saan malapit lang sa condo ni Isidro. Hapon na ngayon at wala naman akong magawa doon sa condo niya kaya nagpasiya akong gumala na lang muna kami ng anak ko rito dahil malapit lang din naman ‘to.
Nakaupo lang kami sa damuhan. Naglalaro si Sam- Sam ng mga luto- lutuan niya na dinala niya kanina habang sinusubuan ko ito ng coton caddy.
Marami- rami ring tao ang park na ito. Ang iba ay nagjajogging, ang mga bata ay nagtatakbuhan, kahit ang mga alaga nilang aso ay nandito rin.
Kadalasan sa mga nakikita ko ay isang pamilya o kaya naman ay mga magkasintahan ang nandito.
Tumunog ang aking cellphone kaya tiningnan ko na lang muna ito. Mensahe iyon galing kay Isidro. Sinabi ko kasi sa kanyang lumabas kami ng anak niya. Wala akong
