Masakit ang katawan ko nang idilat ko ang mga mata ko. Napatingin ako sa paligid ko, nasa hospital ako. May cast ang kanang paa ko at ang kaliwang kamay ko mayroon din nalalagay sa leeg ko. Nararamdaman ko na may benda rin sa bandang noo ko.
Pilit kong inaalala ang huling natandaan ko, at bigla kong naalala iyong lalaking nakita ko sa labas ng gate nila Crisler. Noong hinabol ko siya ay may isang kotse na mabilis akong binangga. Maswerte pa ako dahil buhay pa ako ngayon.
Naramdaman ko na bumukas ang pinto ng kwarto kung nasaan ako. Hindi ako makalingon sa may pinto dahil na rin sa na leeg ko pero narinig ko ang boses ng kapatid ko na sumigaw na gising na raw ako.
Ilang saglit lang ay naramdaman ko na sunod-sunod pumasok ang mga tao sa kwarto. May lumapit na doctor sa akin at tiningna
