Tatlong araw na ang nakalipas mula noong nagising ako at may umatake sa akin. Okay na rin ako, ma-discharge na rin ako ngayon. Ayoko na rin tumambay sa hospital. Hindi pa rin ako nakakalakad pero mas gusto ko na sa bahay muna magpahinga kaysa rito sa hospital, hindi rin ako makatulog ng maayos dahil pinapakiramdaman ko ang mga pumapasok sa loob ng kwarto ko. Baka kasi maulit na naman ang nangyari sa akin. Kapag sa bahay ay nasisiguro ko na hindi sila basta-basta makakapasok doon.
Sang-ayon din naman si Mama at Papa sa desisyon ko na sa bahay na lang magpagaling, dahil doon sa nangyari sa akin. At noong araw na iyon ay kahit madaling araw ay madaling pumunta sila Mama at Papa sa hospital noong binalita ni Tres ang nangyari. At ayon na nga, pinagalitan talaga si Tres dahil iniwan niya raw
