"Ano bang sinasabi mo, Ciara?" Tanong sa akin ni Allan.
"Si Aldrich, siya talaga ang may kasalanan at plano ng lahat, totoo ang sinasabi ni Lorenz na wala siyang kasalanan," sabi ko sa kaniya.
Napakunot naman ang noo niya sa akin.
"Kailangan natin iligtas si Crisler!" Nagpa-panic na sabi ko sa kaniya.
"Ciara, ano ka ba si Aldrich iyon, hindi niya iyan magagawa kay Crisler," sabi naman ni Henson. Umiling-iling naman ako.
"Hindi ko alam pero kung bakit ito nagawa ni Aldrich pero sigurado ako na siya iyon!" Sagot ko sa kanila.
"Sige, titingnan natin iyan, pumunta muna tayo ng presinto, roon tayo mag-usap maingay rito," sabi ni Allan.
"I-uwi ko na muna si Zeus," sabi ni Henson habang nakatingin kay Zeus na nakahiga sa sofa at mukhang tulog na.
Sabay-sabay kaming lumabas ng bar at
