Nakapag enroll na nga ako sa Southeast Asia International School. Naririnig ko na dati ang school na ito. Dito daw nag-aaral ang mga anak ng mayayamang tao sa bansa. Kahit mga ibang lahi ay gusto din makapag aral dito dahil tanyag ang eskwelahan na ito sa magandang kalidad ng edukasyon na ibinibigay nila sa kanilang mga estudyante. Ni minsan hindi ko pinangarap na makapag aral dito dahil alam ko naman sa sarili ko na imposible. Kahit sa public school lang ay ayos na ako. Magaling din magturo ang mga public teachers. Pero ngayon, parang isang panaginip na makapasok sa ekslusibong eskwelahan na iyon.
Naiayos lahat ni Gabriel ang requirements na kakailanganin. Dahil sa pera ay madali lang ito. Nakakuha agad sya ng kopya ng aking birth certificate na walang kahirap hirap. Nakakuha din sya ng
