Puspusan ang ginagawang shooting ni MK at naging madalas na rin ang pagsama niya sa grupo ni Kim. Maliban sa kanyang TV hosting ay napuno ang kanyang schedules ng mga pictorials, mall tours, TV guestings at kung anu-ano pang imbitasyon para sa kanila ni Kim. Kailangan nilang samantalahin ang mainit nilang tambalan at pagbigyan ang gusto ng mga fans dahil ayaw nila na mag-flop ang kanilang movie.
Bawat araw na hindi sila nagkikita ni Tina ay sumisidhi ang pangungulila niya sa dalaga. Madalang niya itong matawagan at sa text niya ito kinukumusta dahil madalas ay gabing-gabi na siya nakakauwi ng bahay. Gusto niya ng matapos ang kanilang pelikula at maipalabas para maisakatuparan niya ang pangako kay Tina.
At last, tapos na ang shooting nila at maghihintay na lang siya ng dubbing schedules a
