Halos wala pang tulog si Mira nang tumunog na ang kaniyang alarm clock. Two-thirty na ng madaling araw. Masakit man ang kaniyang ulo ay pinilit na niyang bumangon. Uminat-inat muna siya ng katawan bago bumama para magbanyo.
"Good morning!" masiglang bati sa kaniya ni Nick pagkababa niya ng hagdan. Nakita niyang nakaupo ito sa sofa.
"Good morning! Kanina ka pa ba gising o baka wala ka ring tulog?" tanong niya rito habang humihikab pa.
"Kagigising ko lang. Maaga akong natulog dahil alam ko naman na ako ang magmamaneho," tugon nito.
Nag-inat ng katawan si Nick at pagkatapos ay dumiretso ito sa kusina. Kumuha ito ng dalawang tasa.
"Gatas o kape?" tanong nito sa kaniya.
"Gatas na lang," aniya rito.
Pumasok na siya ng banyo habang nagtitimpla si Nick. Wala naman na siyang ibang gagawin
