Kinabukasan ay maagang nagising si Hazel para pumasok sa trabaho. Maliligo na sana siya ngunit pagbaba niya ay nagulat siya sa kaniyang nakita. Puno ng bulaklak ang kanilang sala. May mga kulay pulang lobo rin. Biglang kumabog ang kaniyang dibdib at napatakip siya sa kaniyang bibig nang makita si Jake na may dalang isang bouquet of red roses. May hawak din itong papel na may nakasulat.
"Will you be my girlfriend?"
Hindi niya alam kung ano ang mararamdaman sa mga oras na iyon. Galit siya kay Jake sa ginawa nito. Maiinis ba siya o matutuwa na bigla na lamang itong sumulpot sa kaniyang harapan pagkatapos mawala ng isang linggo? Nag-text nga ito ngunit hindi niya matanggap ang naging dahilan ng binata. Ngunit nanaig ang pagkakilig sa ginawa nito at hindi niya kayang magpanggap sa harapan ni
