Habang naglalakad ang pakiramdam ni Mira ay may mga matang nakatingin sa kanila kaya bigla siyang lumingon.
"May problema ba?" tanong sa kaniya ni Nick na lumingon din sa kanilang likuran.
Nasa harapan na sila ng grocery store nang bigla siyang tumigil.
"N-nothing!" tugon niya.
Wala naman ibang nakatingin sa kanila maliban sa nagtitinda ng prutas sa harapan ng grocery. Ngunit bakit kinukutuban siya?
"Huwag ka ngang praning, Mira! Nasa balwarte mo na ikaw at hindi ka masusundan dito ni Gabriel," pangungumbinsi niya sa sarili kahit iba ang kaniyang nararamdaman.
Huminga siya nang malalim at pilit na inaalis sa isipan ang tungkol sa mga Del Gallego. Nais niya munang ibigay sa kaniyang anak ang kaniyang buong pagkatao.
"Let's go inside?" aya ni Nick sa kaniya.
"Tara!" tugon niya at
