"Let's go," ani Jake na hindi niya napansin na nakalapit na pala sa kaniya.
Tumayo siya at nagtungo sila sa elevator. Isang exclusive elevator ang sinakyan nila na para lang sa mga VIP. Sinamahan pa sila ng guwardiya hanggang sa makarating sila tuktok ng building na iyon.
"You're living in a Penthouse?" pabulalas niyang tanong dito.
Sa lakas ng kaniyang boses ay napatingin ang Security Guard sa kaniya. Hindi siya pinansin ni Jake at nakita niyang may sinabi ito sa guwardiya na hindi niya narinig.
"Thank you!" ani Jake sa guwardiya nang makalabas na sila ng elevator.
"You're welcome, Sir. Welcome back po uli," tugon nito at sumaludo pa sa binata. Nginitian din siya ng guwardiya bago muling pumasok sa loob ng elevator.
"Talagang dito ka nakatira?" muli niyang tanong sa binata.
