"K-kilala mo siya?" tanong ni Attorney Samson kay Nicholas at tumango siya habang nakatingin pa din sa larawan.
"Minsan ko na siyang nakita at kaibigan siya ni Mira," sagot niya. " Pero, Attorney, bakit po kayo may larawan ni Nick at anong koneksiyon ng pamilya ko sa kaniya?" tanong pa niya.
"Tulad ng sinabi ko ay ikaw na ang umalam ng mga kasagutan, Nicholas. Ang masasabi ko lang sa ngayon ay gawin mo ang lahat para lumabas ang katotohanan na matagal ng itinatago ni Gabriel. Ito na ang panahon para maitama ang lahat ng mali," ani Atty. Samson.
"Bakit hindi niyo na lang po ako diretsuhin, Attorney? Alam n'yo naman po ang sitwasyon ko sa ngayon. I can't even come back to Manila. Please, kung alam niyo lang naman po ang kasagutan sa mga tanong ko ay sabihin n'yo na sa akin. Naguguluhan n
