"Gano'n ba? Sayang din ang naging posisyon niya sa kompaniya lalo at pangarap niya 'yon. Pero, I respect her decision dahil masakit nga naman sa kaniya ang mga nangyari. Sana ay makabalik siya kaagad at makahanap ng ibang mapapasukan," sabi pa ni Miss Faye na bahagya pa siyang sinulyapan. Kita nga niya ang lungkot sa mga mata nito.
Hindi niya ito masisisi dahil sa bukod na ka-close nila ito ni Mira ay siya rin ang naging mentor nila sa trabaho. Hindi sila nito pinagdamutan sa kaalaman kundi buong puso na ibinahagi ni Miss Faye sa kanila ang lahat. Naging maunawain din ito kay Mira noong panahon na madalas itong Uma-absent dahil nga sa nag-aaral ito.
"Alam niyo naman po si Mira. Hindi po 'yon papayag na walang ginagawa. Kaya for sure hindi rin po magtatagal at babalik din po siya," aniy
