HAROLD
Ibinalik ko ang visitor's card na hawak ko sa receptionist. Pinagtinginan ako ng dalawang babae sa counter dahil ramdam kong marami akong pasa sa mukha.
Sa tingin ko ay namamaga na rin ang aking pisngi at mga mata dulot ng tinamo kong mga suntok at bugbog mula sa ama at kapatid ni Anika, pero hindi ko na lang sila pinansin at agad kinuha ang aking ID sa counter.
Pakiramdam ko ay nakaligtas kami ni Claire sa kamatayan nang makalabas ang kotseng minamaneho ko sa compound ng Kazimir Corporations. Habang palayo ako, unti-unting bumalik ang natural na paghinga ko dahil nakalayo na ako sa gusaling pinuntahan ko.
Dahil sa pagod at takot, kaya nakatulog si Claire habang nasa daan kami. Hinayaan ko siyang matulog at balak ko siyang gisingin kapag nakarating na kami sa bahay para makapag
