HAROLD
Karumaldumal ang mga nasaksihan ko dito sa apat na sulok ng malaking conference room sa gusaling pag-aari ng mga Kazimir.
Brutal kung paano sila manakit, kaya natatakot ako para sa kaligtasan ni Claire. Mabuti na lang wala silang ginawang hindi maganda sa anak ko dahil bata pa siya, pero hindi ito sapat para mapanatag ako dahil hangga't narito kami at sila ang may kontrol sa sitwasyon, hindi kami ligtas dito.
Wala silang takot kumitil ng buhay. Para bang hindi umiiral ang batas sa lugar na ito, kaya wala silang pakialam kahit ilang buhay ang natapos dito.
Maging ang mga tauhan nina Alexander at Aidan Kazimir ay para bang normal na sa kanila ang pumatay. Wala akong narinig na kahit ano mula sa kanila. Tikom ang mga bibig nila kahit nasaksihan nila ang kalupitan ng mag-amang Kazi
