HAROLD
“Daddy!”
Malakas na sigaw ni Claire ang nagbalik sa ulirat ko. Hawak siya ng isang lalaki habang nakatayo malapit sa akin at nakikita niya kung paano ako binubugbog at pinagtulungan ng tatay at kapatid ni Anika.
“My daughter used this opportunity for you to prove yourself to us. She asked me to accept this child as part of my family, without knowing that you and this bitçh are actually deceiving and lying to her!”
Parang patalim na humihiwa sa pagkatao ko ang bawat salitang narinig ko mula kay Alexander Kazimir habang binubugbog niya ako at nakahandusay ang aking katawan sa sahig.
Kulang na lang ay patayin niya ako sa bugbog, kaya halos hindi ko na maigalaw ang aking katawan. Pero pinilit kong magmulat ng aking mga mata dahil natatakot ako sa puwede nilang gawin kay Claire.
