Nag-iwas ako ng tingin nang mapansin kong titig na titig siya sa akin. "A-Anong sabay ka dyan! Mauna ka na. Mamaya na ako. Magsasampay pa ako sa labas," dahilan ko pero naalala ko, halos naipasok ko pala kagabi ang mga nilabhan.
"May pasok ka pa 'di ba? Ihahatid na rin kita." Napalunok ako sa sinabi niya.
"Oo nga naman, Mari. Dadaanan yata namin 'yong training center na pinapasukan mo," segunda naman ni Khalil. "Sama ka na sa amin. Hindi ka naman bago sa amin."
Mahina akong umiling. "H-Hindi na. Baka hindi rin ako pumasok ngayon. Walang kasama si Shaun."
"Ano pala ako anak? Hayop?" singit ni Aling Lolita dahilan upang matawa ang dalawa.
"Aling Lolita naman, eh!" tawang-tawang wika ni Khalil, rinig na rinig sa buong bahay. "Sorry, sorry! May natutulog pala."
"Joker ka pala, Aling Loli
