Chapter 43
DANICA
Walang umimik sa amin ni Alp nang magsalita si Tita, ngunit si Alp naman ang kinuyog nito.
''Anong ginawa mo sa pamangkin ko, ha? Sinasabi ko na nga ba na hindi maganda ang kutob ko sa 'yong lalaki ka! Sinaktan mo ba ang pamangkin ko?'' galit na tanong ni Tita kay Alp.
''No, Tita,'' tipid namang sagot ni Alp.
"Eh bakit nakaratay 'yan dito sa hospital, ha?'' bulyaw ni Tita sa asawa ko.
"Tita, nawalan lang ako ng malay dahil sa pagbubuntis ko, pero ayos lang naman ako,'' sabi ko naman kay Tita
Sakto namang pagpasok ni Mommy. "Narito ka na pala, Monet.''
"Oo, inaalipusta niyo ba ang pamangkin ko?'' mataray namang tanong ni Tita kay Mommy.
"Tita? Nawalan nga lang ako ng malay dahil dala ng pagbubuntis ko. Huwag ka mag-alala dahil inaalagaan nila ako ng maayos," sabi
