‘No other success can compensate for failure in the home.’ – David Mckay
“Logbook? Sandali at hahanapin ko,” paguulit pa nito at saka tumayo ulit. Agad naman siyang dumiretso sa kabilang mesa at saka nagsimulang tingnan ang mga drawer.
Ilang minuto pa namin siyang hinintay hanggang sa bumalik siya na may dala-dalang logbook. Nakahinga naman ako ng maluwag ng makita ko na may logbook din pala sila. Mabuti na lang talaga at mayro’n, kasi kung hindi ay baka buong magdamag kong sisihin ang sarili ko.
“Ano ba ang hinahanap niyo?” tanong niya naman ng makalapit ulit siya sa amin. Sinimulan naman na niyang buklatin ‘yong logbook kaya hindi ko mapigilang mapasilip do’n.
“We’re looking for someone who bought this car,” sagot naman ni Andrew at saka ipinakita mula sa cellphone niya ang picture
