‘Take care of the minutes and the hours will take care of themselves.’ – Lord Chesterfield
“Ano na muna ang kailangan mo?” tanong ni Hazel kaya naman parang nabunutan ako ng tinik ng hindi niya tanungin si Andrew.
“May kakilala ka bang pulis, detective, or what?” diretsang tanong ko sa kanya. Ayaw naman niya kasi ng paligoy-ligoy pa kaya naman sinabi ko na kaagad ang kailangan ko.
“Ano namang kailangan mo at bakit kailangan mo ng pulis o kung ano man?” nagtatakang tanong niya pa kaya naman saglit akong napapikit. Nakalimutan ko na masyado nga pala siyang matanong. Kaya naman imbes na magtanong pa siya ng paisa-isa ay kusa ko nang sinabi ang dahilan ko.
“May hinahanap kasi kaming tao, kaya lang ay hindi ko alam kung sino at kung paano siya hahanapin. Hindi ko rin alam kung anong pangal
