‘You will never “find” time for anything. If you want time, you must make it.’
Mabuti na lang at mahigpit ang kapit ko sa upuan kaya naman nabawasan kahit papano ang impact ng pag-abante ko. Pero hindi ko rin inaasahan na gano’n pala ang mangyayari. Hindi ko inaasahan na gagawin ni Andrew ang bagay na ‘yon.
Agad naman akong napahawak sa ulo dahil ramdam ko ang sakit nito at pagkahilo. Akala ko ay uunahan niya lang ‘yong sasakyan ng killer pero hindi ko lubos akalain na babanggain niya pala ‘to. Dahil mabilis ang pagmamaneho niya ay naging malakas ang impact kaya naman nagpaikot-ikot kami sa kalsada.
Ramdam ko pa ang ilang beses na pagtama ng ulo ko sa bintana. Pakiramdam ko ay kung hindi dahil sa seatbelt na nakaharang sa katawan ko ay baka tumilapon na ako papalabas ng sasakyan. Nang m
