‘To do two things at once is to do neither.’ – Publius Syrus
Ilang minuto na rin kaming nasa byahe dahil medyo may kalayuan din pala ‘yong lugar na pupuntahan namin. Pero hindi naman gano’n sobrang katagal ang byahe dahil halos nasa kalahating oras pa lang ang lumilipas at malapit na rin naman na raw kami.
Mabuti na lang at naging mabilis lang ang byahe namin dahil wala kami masyadong nakakasalubong ni Andrew, kung mayro’n man ay mangilan-ngilan lang din naman na sasakyan. Ewan ko ba kina Luna at kung bakit gusto pa nila na pumunta kami ro’n.
Pwede naman na kasi nilang sabihin sa amin kapag nalaman na nila, pero sabagay, nakakahiya rin pala ro’n sa kaibigan nila dahil nagpa-request lang naman kami tapos magde-demand pa ako ng gano’n. Nanghihinayang lang din kasi ako sa oras na buma-byah
