"KUMUSTA ka na, Ate Cass?"
"Hija, mabuti at nakarating ka! Kanina ka pa namin hinihintay!"
"Ang ganda mo lalo ngayon, Cassandra!"
At samu't-sari pang mga pagbati mula sa lahat. Hindi na malaman ni Cassandra kung kaninong pagbati ang una niyang tutugunin kaya nginitian na lamang niya nag mga ito. Nagulat pa si Cassandra nang bigla siyang yakapin ni Maegan at hinalikan sa pisngi. "Tita!" Matuwid na itong magsalita ngayon compared last year. Hinalikan siya nito ng hinalikan sa pisngi na ikinahalakhak nilang lahat.
"Nako, si Maegan, alam na alam kung kanino maglalambing para makahingi ng regalo. Samantalang ako kanina sinasabi kong halikan ako, ayaw na ayaw!" himig nagtatampong pagpapapansin ni Lolo Andy.
"Nagtampo na si Lolo, Maegan! Go and kiss Lolo!" sabi ng isang matangkad na lalaki n
