♞♟♜♚
Malaking halimaw laban sa isang maliit na hero, hindi akalain ni Reo na makakapalag siya sa kalaban dahil sa sobrang laki ninto. Idagdag pa na kahit sing laki ito ng isang building ay nakakagalaw ito nang mabilis na tila ba hindi na bibigatan sa kaniyang dambuhalang katawan.
"Isang maling hakbang lang Reo, mawawala lahat ng pinaghirapan mo," bulong niya sa sarili habang mabilis na lumilipad paikot sa malaking halimaw. Bilis na lang ang panlaban niya rito at advantage rin sa kaniya ang kaniyang sukat o liit dahil hindi siya basta-basta mahahagip ng sandata ninto.
"Para kang langaw na paikot-ikot sa tainga ko!" hiyaw ng halimaw at napaisip naman si Reo.
Kung ako 'yung langaw, ikaw naman ang taeng iniikutan ko. Hindi niya maiwasan mapikon sa halimaw dahil kung kanina ay siya ang nang
