Tahimik akong nakatingin sa karagatan. Labing tatlong oras na kaming nasa biyahe. Katatapos lang naming kumain ng gabihan.
Limang araw kaming magb-biyahe papunta sa kanluran kung hindi kami titigil pero sabi nila sa akin kanina na aabutin kami ng labing limang araw dahil kailangan nilang tumigil sa tatlong lungsod na madadaanan namin. Wala namang naging problema sa akin dahil sino ba ako para magreklamo? Nakikisakay na nga lang ako.
"Bukas ay dadating na tayo sa Lungsod ng Xieros. Dalawang gabi at araw lang tayo tutuloy doon. Ayos lang ba talaga sayo na sumama sa amin? Kung gusto mong mauna, kami na ang bahala sayo," ani ni Karren.
Pareho na kaming nakatanaw ngayon sa karagatan. Nasa labas kami kaya ramdam namin ang lamig ng hangin.
"Hindi na. Ayos lang sa akin. Ayaw kong abalin pa
