Dismayado si Vince kay Carmela at maging sa sarili niya. Hindi niya lubos na maisip na binabayaran siya ng babae dahil sa nangyari sa kanila. Akala pa naman niya ay nagkakaunawaan na sila. Pinili na lamang niyang iwan ito kaysa makapagsalita na naman siya ng hindi maganda. Kitang-kita niya ang magkahalong galit at pait sa mga mata ni Carmela dahil sa sinabi niya. Napansin niyang tila wala itong sineseryosong lalaki kahit pa sabihin na may nangyari na sa kanila. Kaya naman pala ganoon na lamang ang pambabalewala nito kay Gian. Siguro nga ay kailangan na lamang niyang maintindihan na hindi siya kailanman magkakaroon ng pagkakataon na makasama ito.
"Man! Saan ka ba galing? Kanina ka pa namin hinahanap," wika ni Rogie sa kanya. Nakasalubong niya ito.
"Wala. Naglakad-lakad lang ako riyan sa
