"Abala si Carmela sa pagmuni-muni nang may kumatok sa kanyang pinto. Tumayo na siya at binuksan ito. Si Eli ang napagbuksan niya. Binati rin siya ni Dave at pagkuwan ay nagpaalam na mauuna na sa kanilang lalangoy sa pool.
"Ano iyan?" tanong ni Eli nang mapansin ang suot niyang bestida.
"Bakit ano'ng problema? Hindi ko ba bagay?" balik tanong niya.
"Tange! Maganda naman. Lahat naman yata ng isuot mo ay siguradong bagay sa'yo kaso magsi-swimming tayo hindi ba?! Bakit ganyan ang get up mo?" wika nito na binuntutan ng tawa.
"Oo nga pala. Pasensya na. Nakalimutan ko."
"Wala ka na naman sa sarili mo, ano?"
Hindi naman sa ganoon. May iniisip lang kasi ako. Hindi ba at nasabi mo sa akin na ikaw na lang ang mamahala sa firm company ni Marciano? Gusto mo ba?"
"Hah? Ano ba?! Biro lang iyon. Si
