KABANATA 52
TUMILI si Aaron nang pagkalakas-lakas nang matapos ako sa pagbabalita sa kaniya kung ano ang mahalagang okasyon ang nangyari sa buhay ko kagabi lang mismo. Pati na rin ang pagkakumpirma ng pagbubuntis ko.
“Aaron!” Natatawang saway ko sa kaniya saka nahihiyang yumuko nang maglingunan sa ‘min ang mga tao rito sa Department Store.
“I’m so happy for you nga kasi! Bakit ba? Ito ba ay library para bawal magtili?” Nagmamaldita niyang sabi saka hinawi-hawi pa ang ulo na parang may long hair kahit wala naman, inaaway ang mga nakatinging mga tao sa paligid.
Ngumiti na lang ako at inalala kung gaano kasaya ang puso ko mula pa kagabi na nag-propose si Kael sa ‘kin.
Nag-propose si Kael.
Hindi pa rin talaga ako makapaniwala!
Dati... pangarap ko lang na makakilala at makatagpo ng lala
