LESSON 19
“Angela’s Tears”
HINDI ito totoo! Hindi ito totoo! Iyon ang paulit-ulit na isinisigaw ng utak ni Angela ngunit kahit anong pilit niya sa sarili na hindi totoo ang nangyayaring iyon ay hindi pa rin mawala ang naririnig niyang babaeng umiiyak.
“Tulungan mo ako…” ani ng isang babae na para bang bumulong sa kanya dahil dinig na dinig niya ang boses nito na parang nanggaling sa ilalim ng malalim na hukay.
Maya maya ay unti-unting nagkaroon ng mukha ang may-ari ng kamay na nakahawak sa likod ng wheelchair. Mas lalong kinilabutan si Angela nang makita niya sa salamin ang mukha ni Charlotte. Duguan ito at lumuluha ng dugo. Umiiyak ito na para bang nagmamakaawa sa kanya.
“Tulungan mo ako…” samo nito.
Hindi na nakayanan pa ni Angela ang kanyang nakita. Umikot ang kanyang paningin han
