LESSON 23
“Ring, Ring!”
NAGISING si Benjamin sa isang sigaw na narinig niya. Noong una ay inakala niyang wala lang iyong ngunit nasundan pa iyon ng isa pang sigaw. At kilala niya ang taong sumigaw-- si Angela!
Bumaba siya ng kanyang kama at humahangos na nagtungo sa silid ni Angela. Bigla siyang kinabahan nang makita niyang bahagyang nakabukas ang pinto. Pagkapasok niya doon ay napansin agad niya ang nakabukas na pinto ng banyo. Agad siyang tumakbo doon para makita ang kalunus-lunos na hitsura ni Angela.
Halos masuka siya nang makita ang nagkalat na dugo sa sahig.
“Mommy!!! Daddy!!!” Malakas na sigaw ni Benjamin.
Lalapitan na sana niya si Angela nang may marinig siyang kaluskos mula sa kanyang likuran. Awtomatiko siyang napatingin doon at nakita niya ang dalawang babae na nagmamadali
