MABILIS na nakapaghain ng almusal si Mama kaya sabay-sabay na kaming naupo sa mga sariling puwesto. Nahuli pa sa pagdating si Nikko dahil nagpalit pa ito nang malinis at tuyong damit.
"Kumusta ang trabaho mo ro`n, Nika? Kumakain ka ba nang maayos doon o baka nama`y tinitipid mo ang sarili mo?" panimula ni Mama habang sumasandok ng kaniyang sinangag na kanin.
"Maayos naman po, `Ma. Madalas man pong tambak ng trabaho ay nakakaya naman po. Mahuhusay din kasi talaga ang mga empleyadong hawak ko, e. Saka... hindi ko naman po tinitipid ang sarili ko," tugon ko. Mabuti na lang din at nariyan si Lander para mag-bake ng kung ano-ano kaya mas naging madalas ang pagkain ko.
Tumango ito. Nag-kuwentuhan lang din kami ng napaka-random na mga bagay. Ang mas madalas na maraming sinasabi ay kaming dalaw
