PASADO ALA UNA na ng madaling araw. Katatapos lang naming salubungin ang Araw ng Pasko at hinintay ang pagsapit ng saktong alas dose ng gabi nang magkakasama. Masaya kaming nag-salo-salo sa hapag-kainan at inabot ko na rin ang mga regalo ko para sa kanila at gayon din sila sa akin. Hindi ko pa nga inasahan na makakatanggap sa kanila lalo na kay Nikko, pero ganoon pa man labis ang tuwa at pagpapasalamat ko sa kanila. Hindi ko pa rin binuksan ang mga iyon, dahil ang balak ko ay mamaya na lang pagkagising ko, pero itong si Nikko ay atat mas'yado kaya binuksan na niya.
Narito ako ngayon sa veranda ng bahay dahil katatapos lang ng pag-uusap namin ni Lander. Tinawagan niya ako para bumati at ganoon din naman ako sa kaniya. Nagtagal pa ng ilang minuto ang pag-uusap namin, pero kalauna'y nagpaala
